كل عام وأنتم بخير

 كل عام وأنتم بخير

الليله راس السنّه

والعُمر عدا أوام

خمسه وخمسين سنه

دول عمرى بالتمام

يعنِى خلاص قرّبت

يعنى مفيش كدا وقت

تعِبت أنا وزهِقت

م الكِدب والأهام

عِرفت أنا أشخاص

عايشين حياه وخلاص

لا يعرفوا الإخلاص

وحلِلِوا فى حرام

وعِرفت أغلى صحاب

فاتحين لقلبى الباب

حقيقى دوُل أحباب

صاحبونى فى الأحلام

وعرِفت ناس فى الشكّل

زى الملايكه بشكّل

يكلوا الحقوق كدا أكل

بمُنتهى. الإجرام

وعِرفت ناس أخيّار

تُجار لكن شُطار

يساعدوا أيُها جار

ويجهزوا الأيتام

وعِرفت ناس فاضين

وبعقلّهُم راضين

يفتُوا فى دُنيا ودِين

وبيقِطعوا الأرحام

وعِرفت ناس عِتره

عايشينها بالفِطره

ياكلُوا اللى زارعِينه

خيرهم سنه لأُدام

لفيت ودُورت كتير

وتعِبت م المشاوير

لوجودنا مِيت تفسير

والتقوى أغلى وسام

كلمات. أحمد شاهين

عرض الرؤى

معدل وصول المنشور: ٢٧

كل التفاعلات:

٣ارق ملاك، وأحمد محمد أحمد شاهين وشخص آخر