الثلاثاء، 5 ديسمبر 2023

 متاهات بقلم. أحمد شاهين

مجرد صوره على ورقه
بشوفها كل يوم ياما
حنين اللوعه والفُرقه
بياخدونى فى دوامه
بفّكر وأنبِش الماضى
وقلبى حزين ما هوش
راضى ليه الجلاد يكون
قاضى وحكمه جراح
ودوامه
مجرد نور ينور
عتمة الذكرى
وقلب جريح
ومش ضامن
يعيش بُكره
مُجرد صوره ورتوشها
وأيام فايته بنعِيشها
طيور مش باقى غير
ريشها ولا شايفه
ولا فاكره
مُجرد صوت صداه ميت
بقاله زمان
وعضم تابوت لكنه
مخاصم الأكفان
وساعه من تاريخ عّدا
وصوت بيقول
مفيش فايده
وأحزان الفراق زايده
تحاصرنا فى كل مكان
مُجرد بس ما تفكر
وتاخدك دوشة الموضه
تحِس بحيره مش أكتر
وطيف محبوس داخل
أوضه
تزيد الدوشه والأضواء
ونشره مزيد من الأنباء
برامج شو على إستهزاء
بضايع لسه معروضه
مُجرد بس ما تحاول
تواكب عجلة الأيام
تلاقى الصحه فى النازل
ف تدّفى قوى وتنام
خلاص سِنك فوق الخمسين
وضاع منك سنين وسنين
بقيت تايه مع التايهين
بلا تيك توك بلا استجرام
مُجرد بس أمنيه وباقيه
فى حنايا الروح
ما كُونتش ليك ولا ليا
أنا العاشق أنا المجروح
أنا اللى سافرت فى المتاهات
أنا اللى كلامى كله سُكات
أنا اللى عّزفى كله نايات
وبابى
للُقّا
مفتوح
كلمات. أحمد شاهين
قد تكون صورة ‏‏شخص واحد‏ و‏ابتسام‏‏
كل التفاعلات:
فهدالصحراء الجرئ، وأحمد محمد أحمد شاهين وشخص آخر

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...

  • (لا تزال عالقة) بقلم عواطف فاضل الطائي
    (لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...
  • دغدغه دغدغه
      دغدغه كل حاجه ملغبطه زاي رسمه بشخباطه والملامح مكشره والقلوب بين الضلوع دايبه هاشه مدغدغه ماتت الضحكه حتي وقت الزغزغه والفرحه جايه مجرحه و...
  • (حكم فاسد)
      (حكم فاسد) أحزاب وكتل دمرو لعراقي وشتترجه بعد من حاكم وفاسد وكلها التحچي بهل يوم وطالب وتحچي اباسم الله وصاير العابد وشباب انباع بالدولا...