اعتذار بابا نويل
انا اسف يا اولادي معلش اعذروني
مفيش هدايا السنادي. وعايز اسدد ديوني
واتغيرت احوالي. وارتفعت الاسعار
وكل شيء بقي غالي. دا غير جشع التجار
والصحه بقت ف النازل. وعلاجي مش لقيه
تعبت من المشاكل. فولولي اعمل ايه؟
واللي كان بيزورني. وكنت بعطف عليه
دلوقتي مش فاكرني. وعينه ع الجنيه
لابس البدله الحمرا. ومعنديش غيرها تاني
وساكن ايجار ف شبرا. عايش حزين وحداني
الاطفال كانوا حبوني. وواقفين عندي طوابير
غصب عني سمحوني. انا بقيت فقير
ربنا عالم بظروفنا. وعينه دايما علينا
وهو اللي خالقنا. ومن الشر حامينا
بس احنا نكون معاه. ونصلي له بايمان
ونقوله يا الله. ارحمنا يا حنان
كلمات
اشرف مفيد
ليست هناك تعليقات:
إرسال تعليق