قلبي اللي شاب
قبل الآوان
مع اني لسه شباب
و ماشوفتش الحرمان
سواح مابين المواني
و في كل مينا
محفوظ مكاني
و ليا كيان
في كل مينا ليا حوريه
تسكن قلبي و تشرب حناني
بكل أمان
سافرت كل المواني
و عشت حياتي
سعيد فرحان
لا يوم ربطت نفسي بواحده
و لا أديت وعد
و أطلع جبان
أنا شفت كتير
السمرا و الشقرا
و كل الألوان
فاتت حياتي
في غمضة عين
لا جنبي حد شمال و يمين
زى زمان
و العمر راح
زادني الجراح
و القلب صابه
المرار و هان
لا إبن جنبي
و الكل سابني
حسيت كإني
القلب شاب
مع اني لسه قلبي شباب
فكرت اني الواد الچان
طلع لسانه و ضحك عليا
كل معارفي و الزمان
و أنا اللي كنت مغرور بنفسي
ما أنا القبطان
(((أسامه جديانه)))
ليست هناك تعليقات:
إرسال تعليق