قصيدة 👈🏾🤚 الصبر أجيبوا منين؟! 🤚 🤣 { عامية مصرية بنكهة عربية } 🤣 بقلمي أشرف محمد السيد

 قصيدة

الصبر أجيبوا منين؟!

{ عامية مصرية بنكهة عربية }

بقلمي أشرف محمد السيد

☆ شايب سَئيل مُفتري ، روح ربنا يهدوا

كاتب على سحنتوا ، ظالم مفيش قدوا

الكهن من عزوتوا ، بالفُجر بيعادي

نِتن و قال حجتوا ، إن المسيخ جدوا ☆

•••••••••••••••••••••••••• ••••••••••••••••••

بيت العروبة إتخرب ، لما العجم ركبوه

تزوير ف عقد و ورق ، شالُوم على إللى جابوه

إللى يفوت عِزوتوا ، خايب و مش ناصح

وإللى يصون عرضنا ، فوق الرؤوس نشيلوه ☆

••••••••••••••••••••••••••••••••••••••••••••••••

الموت ف غزة و انا ، صاحي و مش نايم

والدُور عَليَّ أنا ، هشرب و أقول دايم

غلبان و من حُرقتي ، بصرخ و بتوجع

فينك يا شيخ العرب ؟ قالوا البعيد صايم ☆

••••••••••••••••••••••••••••••••••••••••••••••

يا غزة أسِف أنا ، صايم و عندي جنود

كُل شعوب العرب ، ماتت و كَلها الدود

جايز أفوق إنما ، صَبرِك و هتعدي

مِن كُتر شِيل القرف ، عندي زهق و برود ☆

••••••••••••••••••••••••••••••••••••••••••••••

هعمل أنا مؤتمر ، للشجب و التنديد

فيه العرب و الطرب و المُحن و التصعيد

عندي كلام إنما ، يوجع شديد واعر

ناخد حقوقنا بأدب ، والفكرة ف التجديد ☆

•••••••••••••••••••••••••••••••••••••••••••••

جلسة لرجال العرب ، مفتوحة ع الواسع

كلامي كُلُوا حِكم ، بس الدماغ لاسع

إللي إتحذف و إتكتب ، يخدم ومش هيضر

منفوخ و بطني إتمَلَت ، هَولد و ف التاسع ☆

••••••••••••••••••••••••••••••••••••••••••••••

قال الكوهين للعرب ، إللي إبتدي غلطان

إزاي يموت مِننا ، ألف و زيادة كمان

لازم يموت نُصُكم ، و النُص يتهجر

إجري قوام و اشتري ، الورد و الاكفان ☆

••••••••••••••••••••••••••••••••••••••••••••••••

الأحَا من حُرقتي ، طِلعِت و مُش داري

بياع بربع التمن ، و الندل راح شاري

تطبيع و قِلة أدب ، من غير مروءة و دين

هجاص و يوم ما اتزنق ، فانس و مداري☆

••••••••••••••••••••••••••••••••••••••••••••••••

بلاش تعيط يَلَا ، حقك و هيجيلك

عمك حبيسة الجدع ، صايع و من جيلك

هنزل عليهم كده ، بالسنجة و التشخير

بس إنت وَسَع كدة ، شِيلني و انا اشيلك ☆

•••••••••••••••••••••••••••••••••••••••••••••••

إخص عليك يا زمن ، فيك الشجاع مجنون

أبو عبيدة الجدع ، إرهابي مش مضمون

دنيا و ليها العجب ، واقفة على تَكة

هانت عليك عشرتي ، لازم عليَّ تهون ☆

••••••••••••••••••••••••••••••••••••••••••••••

أخِر كلامي أنا ، حلوة صلاة الزين

وإللي انكتب ع الجبين ، لازم تشوفوا العين

الظلم زي الظلام ، و اللون كمان واحد

والرك ع المحلسة ، و الصبر اجيبوا منين☆

•••••••••••••••••••••••••••••••••••••••••••••••

⚘⚘⚘⚘⚘⚘⚘⚘⚘⚘⚘

بقلمي أشرف محمد السيد

عرض الرؤى

معدل وصول المنشور: ٩

كل التفاعلات:

١Ashraf Mohamed Elsayed