بحبك جلال محمد

 بحبك

جلال محمد

مصر.. كفرالشيخ

بحبك..

أدان ف جامع

وجرس ف كنيسة

بحبك..

محمد وعيسى

بحبك..

صليب وهلال

وتكاتف رجال

بحب ..

نيلك وهرمك

عاشق..

ترابك وأرضك

صاين..

ناسك وعِرضك

بحبك..

نسمايه طاله

ف الصُبحيه

وضُليله ف

الضُهريه

وسهرايه ف

ليله قمريه

بحب..

ريحة أرضك

ع الشراقي

وعرق فلاحينك

وصوت المكن

والسواقي

بحب..

جُندك

اللي واقف

ع الحدود بيأمن

اللي واهب دمه

عشانك

ف الجو نسر

وع البر. جِسر

بحب..

شعبك الطيب

اللي عُمره فيكي

ماعَيب

بحب..

كل حاجه فيكِ

جوك..وشمسك

ليلك....وقمرك

بحبك...

مهما قالوا عنك

وذموا فيكِ

بحب..

رايتك ف السما

مرفوعه

وكلمتك لها صدي

رنانه مسموعه

ولآخرنقطه ف دمي

هفضل احبك

ما إنتِ..

الحُضن والأم

وماليش وطن

غيرك يضُم

بحبك..بحبك ..بحبك يامصر

..........................................

من ديوان أكتُب ياقلم

2022/5/5

عرض الرؤى

معدل وصول المنشور: ١٧

كل التفاعلات:

٢فهدالصحراء الجرئ وجلال محمد

تعليقان

أعجبني

تعليق

إرسال