شجره الحب

 شجره الحب

شجره الحب اشتاقت لك

حتى اوراقها نديت لك

الشجر واقف حزين

بعد مافاتت سنين

كل ليله ورقها يسقط

م الوجع ويا الأنين

ياعيون يالا خُدينا

سافرى بينا لألف مينا

وارجعى لنفس المكان

كان هنا لقائنا زمان

لما كان موجود حنان

الشجر يبكى عليكى

نفسه نظره من عينيكى

نفسه لمسه من ايديكى

ليه حبيبتى البُعد طال

وتهجرى من غير سؤال

وانتى عارفه البُعد عنى

وسهرى فى ليالى طوال

شئ بيجرح قلبى دايما

وجرح اغرب م الخيال

فى غيابك والله دُوبنا

ما أنتى سكنك بين قلوبنا

يوم رجوعك قلبى يفرح

والشجر حوالينا يطرح

والورود تظهر / تبان

وقلبى يشعر بالأمان

وحضنى يرويكى حنان

بس ارجعى لنفس المكان

شعر احمد اسماعيل / شاعر العرب

عرض الرؤى

معدل وصول المنشور: ١٢

كل التفاعلات:

١ارق ملاك