عيون .. القلب .. عورة ********************

 عيون .. القلب .. عورة

********************

الحياه مش هتوقف على حد

الكلام اللى هقوله بالدنيا زهد

بتثق وتحب إنسان تلاقيه تعبان

شيله م القلب والبال فى الحال

تملى خده عبرة وبص لأودام

طبع البشر أصله قلاب

الغدر وحب الذات له غلاب

الإنسانية بقا مبدئها الأنانية

الأنانية معدتش بالهمس

دا واضحة وضوح الشمس

مين م البشر بعلاقاته فالح

مبدأ الحياه المصالح بتصالح

بالوقت الحالى الثقة والحب أمانى

لو تثق فى حد تبقا لنفسك الجانى

محدش للخير ليك بيشير

الحقد والغل بقا بالقلب كتير

عشان كدا وجودنا معدش جميل

البشر كل البشر حاله بقا عويل

مفيش حد حتى بالنصح كريم

نفسى أقابل قلب نقى سليم

الإنسان لنفسه قبل غيره آتيم

أزاى الإنسان يبقا بأبهى صورة

وعيون القلب كلها عورة

قلوبنا بتلعب بها كورة

أيه جرى أيه بس ياناس

راح فين الضمير والأحساس

الدنيا من غير حب ما تنداس

الحياه من غير وفا وأخلاص

يعوض الله عليها خلاص

*******************

بقلم

عادل جاد

كل التفاعلات:

٧عادل جاد و٦ أشخاص آخرين