إوعا قلبك
لو تشتري من اللي باعو يضيع من العمر السنين
تقول ياريت للود راعوا
ولو عتاب هيرضي مين
حنية للقلب....ف وداعو
مركب وبيخاصم شراعو
بعد الشط..زادو م الأنين
كسر...م المجداف دراعو
وخلط...شماله ف اليمين
ريح مع رعب ف سماعو
وموج.....وإعصاره متين
ملامه ليه. أيامنا ضاعو
ولقانا.... كان مر وضنين
العند...زادوا من خداعو
وكدب...صوته زاد طنين
وصبر شغلوه ف صراعو
تاه مايعرف.....آخره فين
بقى موال وطال سماعو
ودن فيها....الطين عجين ما تشتريش...وهما باعوا
إوعا قلبك...... كون أمين
**************************
بقلم/عبد الكبير محمد أحمد
جمهورية مصر العربية المنيا
ليست هناك تعليقات:
إرسال تعليق