عجيبه
جلال محمد
كفرالشيخ..مصر
حاصله معايا ياخلق
فكري معاها ياناس
وتملي شاغله البال
ومشقلبه الأحوال
هرجع وأقول الشعر
من تاني
عشانك يأم العيون.. الله
يامجننه حالي
وصورتك مرسومه
تملي قُــدامـي
يامزغلله عيوني
أنده عليكي دوم
ودموعي مني سيل
إسمك ولارسمك
آه منك..آه ياني
إزاي أنا أفكر فيكي
ولاتردي
يامطنشه روحي
وهقول يامين تاني
جروحي يامداوي
وكل الجراح جوه
قلبي
بيهزوا ف كياني
وبتيجي وتعدى
بتجددي أملي
عندي حكاوي كتير
واقول أنا بحبك
من تاني..من تاني
الحب وقصايده
مكتوبه علشاني
كُتر الألم والنوح
كتروا ف أحزاني
حبه اهه مكـلــبــش
ف القلب من جوه
ومفيش ف قلبي
مكان لحد يوم غيرك
.........................
2021/3/8
ليست هناك تعليقات:
إرسال تعليق