القدس والدم ... كلماتى . سفير السعادة . الشاعر د/ أحمد سالم. جمهورية مصر العربية. من ديوان إعترافات ميت بنى صهيون..

 القدس والدم ... بنى صهيون.. ماهش عايزه .. تجيبها لبر .. وناس ياما بتتحايل.. وهى بتفترى وتتغر.. كأن القدس ملهاش حق.. ومغتصب الحقوق مضطر.. شبعنا آآه ذل وغلط .. عقد الخنوع حبه أنفرط .. أنتوا أبتديتوا بغطرسه .. تستكتروا الرد بزلط.. بنى صهيون .. ماهش عايزه .. تجيبها لبر .. فى الخليل وجنين وغزة .. كل بيت جواه شهيد .. والعرب عايشين فى لذه .. والعدو صهيون عنيد .. كل حاجه بقت غريبه .. والعرب مالهمش إيد .. ترفع الظلم إللى جارى .. والصهاينة طغت أكيد .. يرضى مين كل اللى حاصل .. واللى أصبح فيه وطنا .. شئ فظيع ماحصلش واصل .. أمه قطعت خيط آمالنا .. واللى باقى منها لينا .. حبه تظهر ع الشاشات .. تقتل الطيبة اللى فينا.. بقلب جاحد قلب مات .. لسه القدس بتنزف دم .. لسه كتير بتنادى ياعم .. عاللى يرجع ليها الحلم .. ويخلصها م الأوهام .. قتلوا كتير فجروا ألغام .. خلوا القدس ركام فى ركام .. دايرين يهدموا فى الإسلام .. منعوا الأمه كمان تتلم .. لسه كتير أطفال بتنام .. عايشه ف دنيا من الأحلام .. أمتى نهارهم يمحى ظلام .. وينسيهم لون الدم .. كتر الكره وكتر الهم.. طفلها مات قدامها الأم.. قامت تصرخ فى استسلام.. عمر فى يوم ماهننسى الظلم.. ولسه القدس بتنزف دم.. بنى صهيون.. ماهش عايزه.. تجيبها لبر. كلماتى . سفير السعادة . الشاعر د/ أحمد سالم. جمهورية مصر العربية. من ديوان إعترافات ميت .

عرض الرؤى

معدل وصول المنشور: ٤٨

كل التفاعلات:

١ارق ملاك