ياللي أبوك جوزك
لا تعبت و لا كليت
نفسه يعملك راجل
فاكرك هتفتح بيت
لاقدرت على المسؤليه
جاتلك جوازه عالجاهز
واللي ظلمك أبوك
حاول يعملك راجل
وانت بشنب مفكوك
تشخط و تنطر في البيت
و مصروفك من جيب أبوك
لاعارف قيمة مراتك
خدامه جبهالك أبوك
ربك يرزقك بعيال
ماصادفش يوم حبوك
لا بتعطف يوم عليهم
و لا يوم في البال شغلوك
تطلق و تتجوز تاني
و البركه في فلوس أبوك
مهمل في كل شيء
ما تحبش غير نفسك
طلباتك كلها جاهزه
من أبوك مش تعبك
ربك مل يرضاش بكده
البركه لو رزقك من كدك
لما يموت أبوك
يبقى موته بسببك
هتحس يوم بالعوزه
و تظهر للجميع خيبتك
و الزمن يضحك عليك
و الكل هيكون ضدك
(((أسامه جديانه)))
ليست هناك تعليقات:
إرسال تعليق