أحلى بشرى
بكره جاي بأحلى بشرى
جاي جايب اقوى نصره
لينا يسر وليكي عُسره
كل جيشك لينا اسرى
جاي ليكي جراح وكسره
وف عنيكي دموع وحسره
والرحيل مالهوش بديل
ايوه بكره هتبقي ذكرى
تِبقي عِشتي وموتي نَكِره
كنتي كدبه وكنتي فشره
موتِّي زي اقل حشره
يبقى قبرك جوه غزه
تلقي حتفك ف الخليل
ايوه بكره يا إسرائيل
بكره تفني يا إسرائيل
بكره تجني جراح وويل
بكره تختفي م الوجود
لما ياخدك عزرائيل
بكره نسمعلك عويل
نلقى دمعك زي سيل
سيل ماتمنعهوش سدود
جاي ليلك ليل طويل
بكره هنرد الاذية
بكره هتشوفي الاسية
بكره بإيدين الاسود
كل كف قصاده ميه
كل شبر هناخده ميل
بكره جاي يا غزاوية
جاي يداوي فيك وفيا
بكره فرح مالوش حدود
لما تتحل القضية
اصله شئ مش مستحيل
ايوه حل يكون الاهي
ضد كيد خاين ولاهي
حكم بيحقق وعود
نصر صاين ليا جاهي
مش بإيد حاكم ذليل
ايوه بكره يا إسرائيل
بقلمي/ خالد جمال ١١/١١/٢٠٢٣
ليست هناك تعليقات:
إرسال تعليق