الأربعاء، 29 نوفمبر 2023

قلم ، وناس *********

 قلم ، وناس

*********
كتير بتأمل الأشياء
و انا بتمشي في خيالي
لا في مواصلات ولا مطبات
ولا محطات توصل للي في بالي
الاقيني داير سواح في أفكاري
لا أنا مرتاح في ارض براح
شايف احزان مافيش افراح
و فاكر ناس علي المرواح
كانت ذكرة ف تاريخي زمان
و ألف بعقلي كام لفة
الاقي الدفة بيا تميل
اشوف زغاليل قصاد عيني
و سرب حمام طاير في الليل
الاقي نفسي لابس ريش
و طاير بس ، فوق ع الأرض
و أقول للفكر ما تسيبنيش
دي دنيا ماليها كوم تلطيش
و اجيب كام قرص طعمية
و افردهم علي رغيف عيش
اكلهم و ارجع اتأمل ، و احبسهم
بفنجان شاي مع سيجارتين
اكملهم و اشوف عقلي واخدني لفين
و ناس تانيين ييجوا ، ف بالي
ما تعجبهمش أفكاري
و عقلي يقول و انا مالي
دي أفكاري و دول مجازيب
دا ، ياما لاقيت فيهم تعتيم
و حقد و غل ،ليه تعاليم
كأني في دوري للمظاليم
سايبكم ، أروح اشوف حالي
و من برا ، راح أتأمل
هعيش ايامي ، و هكمل
و اكتب عن حكاوي الناس
ما انا صاحبي القلم وناس
و بالإحساس ،
اشوف مين اللي يتحمل
********************
أشعار / ياسر عبد الحميد
********************
قد تكون صورة ‏‏شخص واحد‏ و‏نص‏‏
كل التفاعلات:
عامر الدليمي، وTghred Ahmad وشخص آخر

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...