*** محتار ***
للشاعر /صابر الشناوي
محتار وحيرتي قوس قزح
بكل ألوان الحياه
وكل آهات البشر
في صوره جدع
ماشي بيضحك للجميع
قال يعني الكل خسر
وهو بس اللي نجح
محتار وقلبي اللي انجرح
شاف الفرح ف خطوط عماه
حلمه طرح بشعاع أمل
ألوان كتير جواه
بحبه صور مداري
فيها اللي انكسر ف هواه
واقف بيعلن للجميع
الكل في الحب فرح
بس أنا قلبي إنجرح
؛. حيره
في خيط شعاع متعلقه
ما بين لقى وبين وداع متفرقه
وحقيقه مليانه وجع
وشعاع أمل واقف بعيد
خايف يقرب ينجرح
حيره من عدم الوضوح
في كل الملامح والصور
ساعات اشوفك جوايا روح
وساعات أشوفك خط
وهمي في الخيال
وأوقات أحس إنك محال
وكتير أحسك بين إديا
وأتاريك شىء صعب المنال
وكلام كتير كله وجع
وإنت ناسيه إن بشر
مداري آللامي والوجع
في صوره جدع
محتار وحيرتي قوس قزح
راسم على وشه
الأمل بآخر شعاع
في حبل أفكار البشر
قل إن القدر
اللي جمع قلبي وقلبك
في الهوي
هو اللي لازم ينتصر
يادي الألم يادي الجدع
أقف وأعلنها للجميع
الكل في الحب فرح
أم انا. قلبي إندبح
ليست هناك تعليقات:
إرسال تعليق