( حبة رتوش )

 ( حبة رتوش )

هو ده حالى انهارده

حد تانى أنا معرفوش

لسه موجوده الملامح

لسه فى حبة رتوش

وش م الهموم مكشر

كل يوم فيه شيء يبوش

الشكل يمكن هو هو

لكن جوه منى

قلب يمكن متلاقوش

والمشاعر جايز تموت

والكلام بالعافيه طالع

من جوانا كله فشوش

الحياه بقى شكلها واحد

البياض زى السواد

الأمانى كانت زمان

والقلوب كانت امان

صبرنا ياما والصبر مل

والحمل زاد منه وكل

الأمنيات خلاص نسيتها

والأمان مبحسهوش

اللى باقى يادوب أغانى

بنغنيهالهم مبيسمعوش

ولو قلنا كلمه حلوه

هما برضه مبيحسهوش

ابو رامى الاسوانى

٢٠٢٣/١١/٢٧

عرض الرؤى

معدل وصول المنشور: ١٥٢

كل التفاعلات:

٢محمد عبد الباقى حسين وارق ملاك