لو الرزق .. بأيد .. الإنسان ******************

 لو الرزق .. بأيد .. الإنسان

******************

الدنيا زى زهرة حسناء

بس ملوها أشواك ووباء

بدليل بصوا كدا لحياتنا

تلاقوها كلها شقاء وعناء

العيب كل العيب بالبشر

اللى لقواعد الجمال كسر

شوفوا حالنا لأيه وصل

الشر على الخير أنتصر

أزاى يتصلح بس الحال

ومعدش للحكمة مجال

الكل بيجرى ورا المال

غاب الرضا والآيمان

بنزعل من غلو الأسعار

ده لينا من الله أختبار

نصبر لا دا الصبر حرام

أو نرجع لله بالأستغفار

لا نجيب العيب ع الحكام

الوجود بينا كله ضاق

فاكرين الحاكم هو الرزاق

لو الرزق بأيد الإنسان

كان زمانه له بأحتكار

مات البشر مريض وجعان

الوقت مفيش بر وإحسان

حالنا يوم ورا يوم بيسوء

القلب بالحقد والغل موبوء

وصلنا لكدا ليه ياترى

عشان الأخ على أخوه أفترى

الكل فاكر ف الدنيا الهنا

السعادة ف المال والغنى

الرزق مش بس مال

أو زرية وكتر عيال

الرزق صحة وراحة بال

إيمان رضا بالأقدار

*****************

بقلم

عادل جاد

كل التفاعلات:

١عادل جاد