اباً عن جد
لو مستعجل او متأخر
سرع رتمك شد ومد
ليه احلامك كودها مشفر
احلم لو بالطول والعرض
حبه صبر يدوب مش اكتر
حلمك بكره يكون ع الأرض
حب الدنيا مهما تكشر
مهما تعاند فيك وتصد
شوفها عروسه بشعر مضفر
لو تناديلها عليك هترد
ليه تشتكي عدمان ومأشفر
رزقك فوقك مالهوش حد
حب الناس على قد ماتقدر
اوعى يكونلك خصم ولد
اعمل خير من غير ماتفكر
ممكن حسنه ف ذنب تهد
اوعى يا عم ف حد تكفَّر
ربنا واحد كلنا عبد
ليه على حد ضعيف تتشطر
مدله ايدك ساعده بجد
اوعى لظالم يوم تتصدر
لو على نفسك قول الصدق
ليه تتضايق او تتكدر
عيشها بطيبه وحب وود
فيه حاجات ولا بالمال تتقدر
مالها مثيل لا شبيه ولا ند
لا بتتصنع ولا تتحضر
مخلوقه فينا ابا عن جد
بقلمي/ خالد جمال ١٥/١١/٢٠٢٣
ليست هناك تعليقات:
إرسال تعليق