أحاسيس .. ملخبطة *************

 أحاسيس .. ملخبطة

*************

أحاسيسى ملخبطة

الدنيا مش مظبطة

القلوب عليها صدا

الطوفان أصله أبتدى

دى حياة والا حرب

الوجود كله كرب

الزهر هجره الندى

الطمع بحياتنا أعتدى

أحنا لسة بنتغدى

وبنفكر ف العشا

البشر ع الدنيا أتسعر

ببص تملى حواليا

معدش لله خشى

مفيش بقلوبنا رضا

الكل للدنيا حضن

وللآخرة عقله نسى

الأبن لأمه وأبوه أفترى

العمر ولى ومضى

محدش للحق أهتدى

راح بر والأحسان

مبقاش بقلوبنا إيمان

العيب أصله فينا

وبنعيب ف الزمان

الوجود بينا ضاق

عشان كلنا نفاق

الدنيا بقيت زخمة

عشان معندناش رحمة

الدمع جرح الخد

وجودنا جزر ومد

الشيطان لينا هد

عمل بين آخرتنا سد

أزاى يبقا فيه متاع

المسلم للدنيا أشترى

ولآخرته خلاص باع

الحق بوجودنا ضاع

ضاع من غير وداع

لهوا النفس كلنا سماع

بين ضلوعنا كله فراغ

الأخ لأخوه فى صراع

دم المسلم ع المسلم هان

ضاع بوجودنا الأمان

شوف لأيه وصل الحال

عمر وفلسطين بالأستعمار

كل يوم قتل كبار وأطفال

أزاى نبقا أمة أسلام

عارفين الحلال م الحرام

أزاى بس نعرف ننام

وشعب فلسطين بالأحتلال

بيتداس عليه يوميا بالأقدام

العيب فينا والا ف الحكام

خلاص خلص الكلام

سلمنا خلاص للأنهزام

الدنيا بقيت لينا غرام

سيبنا لهوانا ليها اللجام

****************

بقلم

عادل جاد

كل التفاعلات:

٣عادل جاد وشخصان آخران