اغنية (حد يدلنى)
شعبى
الاغنيه مسجله مصنفات فنيه
كلمات/ادهم عبده
(ادهم العوضي)
وماكانش حد في شدتى ليا صديق
حتى حبيبى اهو باعنى
بانده عليه ولا يسمعنى
والكل جرح وظلمنى وانا البرئ
طريقى تايه من حياتى
ماعرفش فين الاقيه
وصاحبى بادعى له فى صلاتى
طول عمرى بانده عليه
يا صاحبي انا عايز ودك
واحط يدى على يدك
لو كنت اعرف ايه ردك
كنت العذاب هامحيه
حبيبى غايب عن عنيا
ماعرفش اشوفه فين
وعيونه مشتاقه لعنيا
مشتاقه حب وحنين
يا عيونه حنى بقى وهاتى
ده ملامحى فيكى وسماتى
لو كان هيعرف باهاتى
ماكانش يبعد يومين
حبيبى لما بعد عنى
حلفت ما اندم عليه
ماهو هو جرح وظلمنى
وانا كنت باحلف بيه
مشتاق لنوره وحنانه
زود قوى كده حرمانه
وانا كنت باعمل علشانه
كل اللي باقدر عليه
اغنية شعبى
حد يدلني
كلماتي
ادهم عبده مجلى
(ادهم العوضي)
ليست هناك تعليقات:
إرسال تعليق