الأحد، 12 نوفمبر 2023

مش زمانّا بقلمي/ خالد جمال ١٢/١١/٢٠٢٣

 مش زمانّا

مش زمانّا اللي احنا فيه
مش مكانّا ومش اوانّا
داحنا غُرَبا يا ناس عليه
فيه بنحيا غصب عنا
مش كمان أخلاقنا دي
مش طباعنا ومش ف دينا
ايه جرالنا يا خلق إيه
اللي جد ف مجتمعنا
الاوان راحت عليه
والمكان مابقاش يسعنا
الحياء صعب تلاقيه
صار خرافه مالوهشي معنى
ليه الصحاب والاهل ليه
جم علينا وكله باعنا
ليه الضمير غمّض عنيه
مات وفوق اشلاءه سِرنا
ضل فينا الحق ليه
ساب طريقنا وخط سيرنا
ليه الحبيب بنهون عليه
باع غرامنا وليه خسرنا
ليه اللئيم بيعلُّوا فيه
واللي طيب ضاع مابينا
ليه الصبور ضاق خُلقه فيه
والغضب بقى شرع بينا
ليه الكريم ضنت ايديه
ع الفقير وشايفها مِنَّه
ليه الصريح بيحاربوا فيه
والنفاق بقى حته منا
الشيطان يا سلام عليه
جِه سِكنّا وعاش مابينا
فين زمانا يا دنيا فين
فين مكانا خلاص تعبنا
امتى نرجع تاني ليِه
امتى ييجي يدق بابنا
مش زمانا
بقلمي/ خالد جمال ١٢/١١/٢٠٢٣
لا يتوفر وصف للصورة.
كل التفاعلات:
Esteer Hanna وارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...