سم بوصيحة***

 سم بوصيحة***

هي الطًيْحَة

لا تعليم لا صحة

كثر الهم والذبحة

لا هنا لا فرحة

والقرحة سكنات حناجر الزمرد

قصت جناح الحلم والسعد ما غرد

خرس بالمرة...

وخرج قرونو هو بوصيحة

التاجر جمع السلطة والمال

ما سول ما واسى سلبو الحال

ما سمع انين ولا صرخة

طيحة

القوت غلا ؤ دار جنحين

عاد الحر يسرق يمد اليد و ينين

ؤ كمل عليه بثقلو كبير الطحشة

السحت والخبت والخسة

تقبوا جيب الدرويش.

فما عاش ربيع ولا فيه حيا

طيحة

البيع والشراء والزدحة

بات كلشي بثمان

لا عدل لا صفا ف لميزان

لهاية ؤزيد دردك ؤ نطح

بل شطح

ندب حناكك بالملح

وقول ب صحة الطيحة

واحد معدوم منتوف...

ؤواحد برزقو وحقو مفطح

سلخ

بنادم الي تنفس او كح

خرمز طريقو

يطفى نور لقلم ويتزاد حريقو

تدوس متونو رباعت بخ

فوقف معايا ؤصحح

امالك شارد ساهي مطحطح

بسكاتك ما عندك لاش تصلح

بدل لعقلية ...

وها جزاء لباع راسو لواحد جلخ

بل عاني وكابد

خذ العبرة واشتفد

من كل جاهل بات بعرقك يترنح

ما خلا سيطار ولا مدرسة

زرع الشمامة ؤ زاد لعساسة

عاد حلايقي ...

وبجهلو يكوي ويبخ

*** الشاعر والزجال: احمد الكندودي ***المغرب ***

كل التفاعلات:

٢٢