محاليل الحب (652)
.................
داخل من الباب قالب وشه
ويا شر إشتر
وبخيل ومقرط على قرشه
سنتين ولا فسحه ولا عزومه
ورصيد فى البنك ومحرومه
أسبوع والتاني في بيت بابا
محاليل تغذيه للمرحومه
معليش يا بنتي ده نصيبك
ولا عادش مفر
إنتبهي لجوزك ولعشك
دي الوحدة أمر
ولا عندنا بنت بتطلق
وتوه بلا بر
ومسيرة هيصرف ويبحبح
غصب ومضطر
فعلا هضطر أخرم جيبه
وهعوض حرماني نعيمه
بالكر و فر
ويشاء ربنا طب بطوله
راقد فى عنايه بمحاليله
إنذار فوقه قام متغير
ثوب بخله رماه بس أدعوا له
الموت خلاه إنسان تاني
عوضني حنان عرضه وطوله
الظاهر سره في محاليله
غذوه بحنان حب ورحمه
والوش بشوش
ضي فى ليله
بقلم .. صبري رسلان
ليست هناك تعليقات:
إرسال تعليق