الݣمرة!
(زجل مغربي)
طلات علي الݣمرة فليل من الليالي
كنت سارح فالنجوم وسهران
ݣالس وحدي نخمم،
مخطوف وحاير عقلي..
هايم وحشمان!
بالغمزة سولاتني
آش لي جعلني حزين
فين مشات أيام زمان؟!
سرحت نتأمل فالسؤال
نتمعن معاني لكلام
نتفكر الليالي الدالحة
راح شبابي ملي كنت فرحان
الݣمرة هاذي البارزة
كتشوف حالي وصامتة
والصمت غريب يوم النزاهة
لمحنة هاجرات وتركات رسامي
والعذاب كثر..وصعاب الزمان
والشوق والوحشة مطيرين نعاسي
خبريني يا لݣمرة.. آش ندير؟!!
آش من طريق يسلك قلبي المسكين؟!!
-بقلم: محمد دومو
-مراكش/ المغرب ( 14 نونبر 2023 )
ليست هناك تعليقات:
إرسال تعليق