..... سيدى عالى المقام .......

 ..... سيدى عالى المقام .......

سيدى عالى المقام

كل شيء بالكون تمام

العباد بتبوس ف ايدك

والرجال مسكوا اللجام

والمعارضه تبوس جنابك

كله صامت ف الكلام

والغلابه سكنوهم والأيامى

مسكوهم كل ابراج الحمام

والشوارع جملوها زينوها

والمرور ماعليه ملام

وام عبده اللى مالين الشوارع

كل واحده بقت نظيفه

وهم اصحاب المقام

والشحاته بطلوها

والجعانه

سلموها كل اشكال الطعام

وعملنا بكل حاره

الف برج للحمام

والمحاكم فاضيه خالص

كله عايش وف وئام

والمساجد والكنايس عمروها

وكل مبنى وله امام

كله يعبد جوه بيته

ويسمعوا خطاب الامام

والسكارى والمعاكسه بطلوها

كله عايش باحترام

والرواتب زودوها

والرشاوى

بطلوها سيدى عالى المقام

اما خير الارض طالع

مالى سوقنا وبانتظام

لأ واسعار البقاله والبنوك

كل شىء

رخيص وجدا

والفوايد بانعدام

بس اصل الكدب خيبه

لسه فيه حبة لئام

عند وعدى لجنابك

كله شهر نكون تمام

بس فيه شكوى لجنابك

اصل يعنى البت نوسه

شايله من عينى المنام

قاعده لمه الغوانى

عمله فرقه تروح وتسرح

وفرقه تانيه عامله مسرح

والخمور ريحيتها فايحه

والرجال نسيوا المدام

صح لمه بنات جميله

عود وخصر صدور دليله

يعنى اقفل المسارح

ولا اقبض ع الغوانى؟

ولا قول ايه النظام؟

ها ها ها......؟

والله كنت هقولها قبلك

يلا سيبهم

حتى يبقى فيه ثقافه

والشباب تعرف تنام

يعنى مين هيخون ببلدك

جوه ابراج الحمام

بس برضه شوف جنابك

فيه مشوره محيرانى

قلت اسأل يوم كبيرنا

فاايه مشورتك

ماانت برضه الامام

فيه رجال اعمال ببلدك

نفسهم ف الارض تعمر

بس تحت النظام

ومش مهم الاراضى

المهم تكون بكام

ولا ايه رأى سعادتك

سيدى عالى المقام

ها. ها. ها؟

والله كنت هقولها قبلك

يلا سيبهم

حتى تكتر السياحه

والحريم تتفك حبه

تبقى شعله من البجاحه

والشباب يرطم لغات

حتى ابسط الكلام

والشباب لازم ينوع بالجواز

خلى شكل النسل يحلا

م الحلال او م الحرام

المهم الشعب يعشق

كل انواع المدام

ياسلااااام

على شور جنابك

فعلا انت الامام

باقى شىء بسيط جنابك

عاوز اقوله . هو رأى

لو جانبك شايفه لايق

يبقى نعمل به اوام

ده ضروره

مش لحاجه

دالبلد هتكون تمام

نطرد العلماء لبره

بالعيال ومفيش مضره

اصل كله بتاع كلام

واحنا شعب عشان تسوقه

بوظ التعليم وسوقه

ونبقى ناقصين العلام

اما الصحه وعذابها

اقفل الشبابيك وبابها

خلى كله يكون مريض

م الفقير حتى السليط

يتلبخ ف الكشف يعنى

يقوم يبطل الكلام

ولا ايه رأى الامام

ها .. ها..ها...؟

والله كنت هقولها قبلك

يلا سيبهم

خلى كام مليون يموتوا

نقوم نخفف ف الزحام

والشقق تفضى وتكتر

نفتحوها للحمام

واهو كله لدخل بلدك

ولجيوبك مش حرام

سيدى عالى المقام

راح اروح مش عشانى

بس انت عشان تنام

اشكرك عالى المقام

واللى كان م الشعب كان

البلاد اهو خربوها

بقى فيها 100 امام

كله عالى المقام

والمبانى كسروها

كله باع الدين وقتل

ف العوام

واللى كانوا بيوعظونا

جربوا فينا الحرام

واللى قالوا الست فتنه

فجأه له 2000 مدام

حللوا كل المعاصى

مجدوا قاتل وقاسي

واللى دافع عن بلاده

قالوا ده ابن الحرام

واللى خاين عرض بلده

واللى جاب محتل بلده

قالوا ده هو الامام

وانه عالى المقام

والنصيحه

اللى مره يبيع عادته

لأ وباع ف اصول بلاده

واللى باع للغرب ذاته

يستلم سيل السهام

اشكرك من كل قلبي

اللى خلا الشعب غربي

والوطن بقى ف انعدام

اشكر الكل اللى عاشق

سيدى عالى المقام

ولا عاوز اقول كمان

........... احمدعامر .............

ننوه ان ماينشر حق فكرى مسجل بالهيءات المنوطه بذلك 9130/2021

كل التفاعلات:

٥Ahmed Amer و٤ أشخاص آخرين