سرحانه بايه
ياترى بتفكري في ايه
----------------
بفكر بالزمن اللي كان
وحياتنا دلوقتي
---------------
اجدادنا واباءنا
عاشوا حياتهم حلوة وهنية
فيها المحبة والحنية
والقلوب الصافية النقية
اتهنوا وفرفحوا بايامهم
كانت ايديهم لبعضهم ممدودة
بالمساعدة والمعونة والنفوس الطيبة
وكان الخير يعم ديارهم
وعيشتهم بسيطة ورضية
----------------
ودلوقتي
----------------
ودلوقتي ايه مالك
----------------
احنا الاطفال جينا للدنيا دية
وايامنا صارت صعبة وقسية
هانعيش طفولتنا المعذبة ازاي
النفوس اتغيرت
والقلوب اتحجرت
والمعاملة اتبدلت
والاسعار اتنيلت
والرحمة ولت وغادرت
راحت لبعيد
مابقلهاش مكان بين العباد
هانمضي ازاي
االزمن الصعب ده
ياترى هاتكون ايامنا ازاي لما نكبر
ربنا يستر ماتلتعن الايام الجاية اكتر من ايامنا دية
هانعاني ونقاسي تعب الليالي
هانشقى ونتعب ونكابد
----------------
تعرفي يالولو
ياريتنا اتخلقنا بالزمن الماضي اللي عدا وراح
كنا قضينا حياتنا بروعة قوية
----------------
ايه رأيك يارامي
ياترى لو قلنا للزمان ارجع من تاني
هايسمع كلامنا وياخدنا انا وانت للماضي
--------------
اسمعوا ياحبايب قلبي
لولو ورامي
اللي راح مش هايرجع تاني
انتوا عليكم تتوكلوا على ربنا
وتسعوا وتنجحوا
عسى اللي خلقكم يجعلكم سعداء في مستقبلكم
الدنيا مهما عذبتنا
ومهما اسودت في عمرنا
برضوا يبقى فيها ناس طيبين يخافوا ربنا
يجعلهم في طريقكم مليانين
يعينوكم ويوقفوا معاكم ياحلوين
يقولوا الدنيا لو خليت خربت ياأمامير وياطعمين
الخميس19 اكتوبر2023
عارف البديوي
ليست هناك تعليقات:
إرسال تعليق