ذنبه ايه شعب فلسطين
انه ينام يوماتي حزين
في شرع مين يا بني ادمين
وليه يقتلوا في المدنيين؟
ليه تحطموا مستشفي المعمداني
فيها ناس مرضي وبتعاني
واصبحوا ضحايا في ثواني
والعالم عارف مين الجاني
ناس عماله تموت بالالافات
ولا فيه اماكن في المستشفيات
وصراخ ونواح من الأمهات
وقلوبهم اتوجعت م الاهات
اهدي يا اسرائيل كفايه احتلال
ونفسي اسالك بس سؤال
هو انتي مش عارفه الحرام م الحلال؟
لحد امتي هتعبشي في ضلال
اهالي فلسطين عايشين في رعب
وعدوان صهيوني مدلل م الغرب
وكل هدفهم يستمروا في الحرب
معدومين الانسانيه والرحمه والقلب
في جثث كتير تحت الانقاض
وشهدا بتموت في سبيل الجهاد
كفايه ظلم كفايه اضطهاد
حساب الاخره عند رب العباد
كلمات
اشرف مفيد
ليست هناك تعليقات:
إرسال تعليق