الصابر أيوب
احمدالسعيدالفقي
أنا الصابر أيوب
وإنت أخر صبري
هوايتك وجع القلوب
وحنيتِ ضهري
حلفت عن هواكِ أتوب
وأبطل أحبك
طول عمري
وأرجع من تاني
في حبك أدوب
وأسلم ليكِ أمري
وأغزلك من الفرحة توب
وأخوض عشانكِ حروب
ولو عمري هو المطلوب
تهون عشانك
سنين عمري
أزعل منك
وأخاف عليكِ
وأبعد عنك
وروحي فيكِ
وأشتكي منك
وشكوتي ليكِ
وعشان خاطر عينيكِ
تهون كل الخطوب
وقت الخطر
أنا عليكِ حارس
وفي الميدان
تلاقيني فارس
أستقوي بيكِ
وتسندي ضهري
أنا العاشق المغلوب
على أمري
دايب في هواكِ دوب
وحبك قسمتي وقدري
ولو كلك ذنوب
لو كلك عيوب
عشقك عالجبين مكتوب
يا شمسي وقمري
أنا الصابر أيوب
وإنتِ أخر صبري
احمدالسعيدالفقي
ليست هناك تعليقات:
إرسال تعليق