م الأخر .. ده.. قلة إيمان *******************

 م الأخر .. ده.. قلة إيمان

*******************

دوام الحال م المحال

حياتنا بين هنا وأحزان

بس تملى ركز ع الجمال

لو الهم جيه مرة ع البال

هيشغلك بيه تملى الشيطان

هتبقا تملى أسير الأفكار

مش هتعرف الليل تنام

المرض يتراكم عليك أكوام

مش هتحس بلذة أى طعام

م الآخر ده قلة إيمان

تملى إحرص م اللسان

أغلب الأوجاع م الكلام

اللسان لصاحبه قبل غيره خان

قالوا عنه زمان ف الأمثال

اللسان زى الحصان

لو صونته لك صان

لو هنته لك هان

أمشى بطريق البر والإحسان

البشر عن الحق خلاص تاه

الكل بعد عن الله

محدش راضى بقضاه

عشان كدا الهم بنا وصل منتهاه

الكل عايش تحت سماه

بالدعا له محدش رفع يداه

ربنا فكرنا والبشر نساه

بصوا بقا ياأحباب

ربنا فاتح لينا للتوبة أبواب

محدش دعاه اللى وله أستجاب

محدش كان مع الله وخاب

زينة الدنيا وهم وسراب

يالا يا أحباب لله نعود

تحلى حياتنا وكل والوجود

ف الآخرة بس الحياه والخلود

النهار ده ع الدنيا بكرة مش موجود

************************

بقلم

عادل جاد

عرض الرؤى

معدل وصول المنشور: ١٩

كل التفاعلات:

١ارق ملاك