قصيدة 💥 ٧ أكتوبر 👈🏾 غزة العزة ☆ عامية مصرية بنكهة عربية 🇪🇬 ♡••♡••♡••♡••♡••♡••♡••♡

 قصيدة

٧ أكتوبر

غزة العزة

☆ عامية مصرية بنكهة عربية

♡••♡••♡••♡••♡••♡••♡••♡

☆ يوم ٧ أكتوبر جات هزة

عملوها أشاوس من غزة

قالوا هنفديها بأرواحنا

ونعيش بالنصر و بالعزة☆

☆غاصب مستعمر ويهودي

صهيوني وكاره لجدودي

قاتل و بيسرق أمجادي

ناكر لحقوقي و وجودي☆

☆سارق أعراضي وأغراضي

قاتل أحلامي و أولادي

وحليفوا مطنش مش شايف

يكدب و يفبرك و يعادي ☆

☆ظلم و حيف و ذل و عار

دعم أوربي للأشرار

بس جيوش الحق هتصحي

تبني ملاحم للثوار ☆

☆مجلس للامن ملوش لازمة

و الفيتو منشل ع الجزمة

صهيوني و عامل بوليكة

يكدب و يلمع ف الازمة ☆

☆ يمنعني طعامي و شرابي

يقصف ف بيوتي وأحبابي

عاوز تشريدي و تهجيري

ارضي واخواتي واصحابي ☆

☆ صرخة اطفالي بتنادي

أهلي و اسلامي و زنادي

مش عاوز خوفكوا وبطاطينكوا

صامد و بصلي ع الهادي ☆

☆شاهد و شهيد شايف بدري

والصبح رسول حاضر بدري

واخد ع المر و مات صابر

تجري الايام و احنا بنجري ☆

☆والله لا هسكت و لا اداري

عُمر البياع ما يكون شاري

صبرك هديلوا ف معاميعوا

واكسب بشجاعتي واصراري ☆

☆هفرم صواريخوا بإسناني

و اقلع متاريسوا بايماني

وافضح مشاريعوا واعريها

جيش الاقصي هيرجع تاني ☆

☆ عُمر لساني ما قال العيبة

شاب و عارف حق الشيبة

بس إللي يشرد اولادي

لازم يدفع اغلي ضريبة ☆

☆مصري و افديكم بفؤادي

عربي ف السهل وف الوادي

و حياتي تكمل بحياتكم

و مرادكم عاشق لمرادي ☆

♡◇♡◇♡◇♡◇♡◇♡◇♡

بقلمي

أشرف محمد السيد

عرض الرؤى

معدل وصول المنشور: ٣

كل التفاعلات:

١ارق ملاك