لابد م الوحده

 لابد م الوحده

ف كل مره نقول

عايزينها وحده

ومحدش بيتحرك

ف كل محنه نقول

ايدينا واحده

والكل متفرق

ازاي دمانا تهون

بالذل نرضى

والباغي يتملِّك

ازاي عذابنا يطول

ودموعنا شاهده

ف عنينا نار تحرق

يكفي كلام معسول

لا سلام ولا معاهده

مع دول ولا بيفرق

ده عدو ماله أصول

ومالوهشي كلمه

سارق وبيسرَّق

يا شتيت وعاش ف الدور

ان اسمه دوله

كداب وبيصدَّق

يا كيان حقير مغرور

ومالوهشي لازمه

ومسيره يوم يهلك

ده بكره لازم يوم

ننسى الخلاف واللوم

القومه فيه هتقوم

تزأر اسود وتزوم

الحق فيه هيسود

يرجع لاهله يعود

وجراحنا تهدى

يا قدس مهما يكون

حافظك اله الكون

عليكي قلب حنون

تملي فيكي يصون

يا فرحه حاويه شجون

يا احلى غصن زيتون

ف قلوبنا ورده

بقلمي/ خالد جمال ٢٥/١٠/٢٠٢٣

عرض الرؤى

معدل وصول المنشور: ٢١

كل التفاعلات:

٢احمد العمده وارق ملاك