الأربعاء، 18 أكتوبر 2023

 اغنية ما كفايه سُكات

(عزيزه فلسطين)
أدهم عبده مجلى
(أدهم العوضى)
★★★★★
ما كفايه سُكات لو هيفيدكم خليكوا ساكتين
وقت الازمات راح فين صوتكم ليه مش حاسين
بتقولوا بإننا شئ واحد
يجمعنا مصير وضمير واحد
نشجب نستاء يمكن وارد
لكن فعلنا عمره ما واحد
طب امتى الوحده هتجمعنا
ويكون لوجودنا قيمه ومعنى
ونقول و العالم يسمعنا
إن إحنا اخوات وقت الازمات
ما كفايه سُكات ما كفايه سُكات
★*★*★*★
كفايكوا كلام ترسموا أحلام جوه خيالكم
لأ صحوا النوم اعداء بتحوم عايزه تاكلكم
عايزه تاكلكم واحده بواحده
يا عرب خليكم ايد واحده
ده النصر قريب لوفيه الوحده
ولا شيء فى الدنيا هيمنعنا
طب امتى الوحده هتجمعنا
ويكون لوجودنا قيمه ومعنى
ونقول و العالم يسمعنا
إن إحنا اخوات وقت الازمات
ما كفايه سُكات ما كفايه سُكات
★*★*★*★
قطعنا وِصال وهدمنا آمال
من تانى لازم نبنيها
ننسى الخلافات ونكون فى ثبات
وصعاب ومِحُن هنعديها
بكره الايام راح تحاسبنا
لو قلنا خلاص اويوم سبنا
يتحكم ظالم فى رقابنا
بكلام كداب ليه يخدعنا
طب امتى الوحده هتجمعنا
ويكون لوجودنا قيمه ومعنى
ونقول و العالم يسمعنا
إن إحنا اخوات وقت الازمات
كفايكوا سُكات كفايكوا سُكات
★*★*★*★
ده العربى شجاع ما يخافش أوجاع
ما هو وجعه ممكن يتداوى
لأ إلا الأرض ده تساوى العرض
ولا شئ بالعرض بيتساوى
ما تخلوا زمانكوا زمن حطين
راح يبقا ما بينكوا صلاح الدين
وهتبقى عزيزه يا فلسطين
علشان الأقصى هيجمعنا
طب امتى الوحده هتجمعنا
ويكون لوجودنا قيمه ومعنى
ونقول و العالم يسمعنا
إن إحنا اخوات وقت الازمات
كفايكوا سُكات كفايكوا سُكات
ما كفايه سُكات لو هيفيدكم خليكوا ساكتين
وقت الازمات راح فين صوتكم ليه مش حاسين
★*★*★*★
أدهم عبده مجلى
(أدهم العوضى)
تم تسجيلها مصنفات
قد تكون صورة ‏نص‏
كل التفاعلات:
ارق ملاك

في

ليست هناك تعليقات:

إرسال تعليق

الاشتراك في: تعليقات الرسالة (Atom)

(لا تزال عالقة) بقلم عواطف فاضل الطائي

(لا تزال عالقة) حلقة مفرغة من الخيارت تراوغها بيقينها ان القدر سينظم لهما لقاء وكأن الحياة قد توقفت في تلك اللحظة.. لا تعرف ماذا تفعل هل حقا...