الدنيا
بتضحك علينا
بتتلهى وتلعب بينا
بتاخدنا وتودينا
متبتسبتش على حال
بتخلينا تحت وفوق
يوم بضحكنا
ويوم بتبكينا
يوم بتحن علينا
ويوم بتجرح فينا
عجيبة يادنيا عجيبة
ناس فرحانا ومتهنية
وناس زعلانة وصعبانة علينا
ناس بتتجوز وغيرهم بتطلق
عيال تجي باللفة
وغيرهم يرحلو من دنيتنا
واشخاص متريشة بتلعب بفلوسها
وبعضهم عايزين قروش ومش لاقيينها
وتجار بتلسع فينا
باسعارها الجهنمية
وعيل مش لاقيا تاكل
وعيانين بالالم عايشين
وعندنا فرحانين بنجاحهم
واخرين مساكين فشلانين ورسبانين
وفيه خلق حياتهم ضحك ولعب وفرفشة
وغيرهم عيشتهم عكننة بعكننة
وتمر ايامنا بينا
ان شأنا او أبينا
وبتدور الدنيا فينا
لغاية ماتوصلنا للنهاية
الجمعة 27 اكتوبر2023
ليست هناك تعليقات:
إرسال تعليق