طار لفريخ! ( زجل مغربي )

 طار لفريخ!

( زجل مغربي )

فتحت فنهار باب القفص

فالحين طار لفريخ

اصبحت تايه بلا عقل

فدفد فالسما وتبع الطير

بقيت وحدي عايش حزين

وتعودت على سهران الليل

هجرت لعناية بهاذ لقفص

وسديت بابو لي بقى محلول

راه الطير رحل وفرفر

وعقلي عليه من بعد تذمر

بقى القفص خاوي

طار لفريخ الغالي

وطير عليا نعاسي

ما بقات عندي ݣانة

لفريخ هذا كثير عانى

ولعقل من بعدو سالى

كلشي دلح وصرت وحداني

ساير نكتب ونظن هاني

نمحي ونعاود نمحي

نزمم ونعاود التزمام

ف أي وقت وف أي مكان

نشطن راسي الخاوي

نعوض بيه وناسي الغالي

-بقلم: محمد دومو

-مراكش/ المغرب

عرض الرؤى

معدل وصول المنشور: ١١

كل التفاعلات:

١ارق ملاك