مجلة نداء الرؤح لفرسان الكلمات

 يا عمّ بقلم أحمد شاهين

حطونى أدُام مرايه

بكلامهم جرحّونى

وانا عايش من شقايا

وتايه مِن ديونى

مش عيب مِسكوه عليا

عيبهم هما الأسيه

لو شافوا دموع عينيا

بشماته يحِسسونى

أنا مش زيك يا عّم

أصل أنا على أد حالى

قلبى هو الأهم

ياما سهرنى الليالى

وقاللى مفيش طريقه

نهرب ليه م الحقيقه

لو واحد كان فى ضيقه

مع ربك لم يُبالى

يا باصص لى فى حياتى

حياتك ليه ناسِيها

متابعنِى ليه يوماتى

واخبارى بتشتريها

يا عم إش جاب ل جاب

أنا واحد قلبه داب

م الغِل وم الصِحاب

وناس الله يجازيها

الناس ما بيخِتشوش

دايمآ يتكلموا

يضحكوا لما الوشوش

على بعض يسلموا

واما تفوتهم يادوب

تطلع نار القلوب

يحدفوا سيرتك بطوب

ويسبوا ويشتموا

حطونى أدُام مرايه

وانا شايف نفسى عادى

مش هزعل م الليلادى

ولا راح تبكى عيونى

كلمات أحمد شاهين

عرض الرؤى

معدل وصول المنشور: ٢٠

كل التفاعلات:

١١