شعارات الأحرار ومطالب الثوار
عامية بنكهة مصرية وبحقوق نشر عربية
بقلمي
أشرف محمد السيد
☆○☆○☆○☆○☆○☆○☆○☆○☆○☆○
☆ غزة العزة مش نايمين
إحنا أُسود ليكم جايين
نقطع دابر الصهيوني
أرض العزة يا فلسطين ☆
☆قدس و أقصى جوا قلوبنا
ناخد تار و نفوز بحروبنا
نار هتولع ف الصهيوني
زي طوفان الأقصى شعوبنا ☆
☆ الأحرار دايمن صامدين
و الثوار بجيوش زاحفين
بُكره الأقصى هيرجع لينا
شعب هينزل بالملايين ☆
☆ إسرائيل عاوزة فلسطين
اُوفة و احا يا منافقين
احا بقولها و احا بشوفها
يا إبن الهبلة ترَّحَل مين؟! ☆
☆قولكم زايف مش مشروع
فقر و نهب و ظلم و جوع
الإرهاب بيحارب غزة
فالتطبيع لاغي و ممنوع ☆
☆ تقصف بيت و تهد مباني
والثوار شعبي و إخواني
بكرة الدنيا هتفرح فيكم
حق الشُهدا هيرجع تاني☆
☆يا صهيوني يا أبو تحزونة
ليفي كوهين وإبن المجنونة
خُد آلاضيشَك يا إبن القرعة
بالعفاريت راسك مسكونة☆
☆ شد زنادك يلا و عَمَر
المفضوح ع الحُر إتأمر
كاشف اطماعوا وآلاعيبوا
فين صدام،عرفات و معمر☆
☆جاتكم خيبة وجاتكم نيبة
دا التطبيع نازل بمصيبة
مَشي وغُور يا إبن النصابة
مش هنسيبها للهليبة ☆
☆مش هنهدي ومش هنطاطي
إحنا قتلنا الندل الواطي
هصرخ و هنادي و هتحزم
ع الرزاق اجري و العاطي ☆
☆ نور الحق هيظهر تاني
و الإسلام للنصر دعاني
جايلك جايلك يا فلسطيني
هاخد تار و تروح أحزاني ☆
☆ المختار و صلاح الدين
غزة العزة و فلسطين
شعبنا واحد دمنا واحد
فى الأقصى نرجع حطين ☆
☆ غزة و ضفة و فلسطين
شعب عروبة شمال ويمين
شعب مناضل شعب مرابط
والعدوان مغروس ف الطين ☆
☆ يا فلسطين حُرة و أبية
وَحدتي شعوبي العربية
أطفالك و حراير غزة
مش هيروحوا ف شربة مية ☆
☆يوم النصر هنعمل حفلة
نفتح ليكي معابر قافلة
نفديكي ونصون اراضيكي
والطوفان ييجي على غفلة ☆
☆إحنا أُسود و دروع بشرية
واحد منا بياكل مِية
درعي كتابي وسيفي عذابي
والتطبيع شلة حرامية ☆
☆إحنا شعوب حرة و عربية
مش ناسيين للقدس قضية
صوت الحق يغذي قلوبنا
بسواعد جامدة و عفية ☆
○○☆○○☆○○☆○○☆○○
بقلمي
أشرف محمد السيد

ليست هناك تعليقات:
إرسال تعليق