* * * أنا مصر * * *
للشاعر /صابر الشناوي
إقري تاريخي وإعرفه
وياريت تدقق والنبي
بين السطور أنا إسمي إيه
أو أبقى مين أنا يابني
مصر الطيبه
أنا اللي أحفاد النبي
سيدنا الحسين والسيده
كانوا معايا في ملحمه
ساعه العبور
وأنا ترابي شرفه
دم مينا ومحمدين
ومن بعيد تشم ريحه
تشم ريحه المسك
و عيدان البخور
وأنا اللي مريم وإبنها
على أرضها حسو الأمان
وعاشوا في سرور
وأنا اللي أرضى اتفجرت
لموسى عيون ومن جانب
الطور ظهر له النور
وأنا اللي أرضى مقبره
لأي حد يعتدي أو أي
حد ماليه الغرور
بين السطور هتشوف
ملامح طيبه وتشوف زهور
وضي نور وتلاقي واقف
على الحدود أسد جسور
ولو تبص في السما
تلقي حاميها النسور
بين السطور في كتير
من الأسئله دا سؤال
محتاج جواب و دا
جواب كان يوم سؤال
هتلاقى قوه الإحتمال
وحاجات كتير متبدله
مش قولتلك أنا مصر
يابني ياريت تدقق
والنبي بين السطور
بين السطور هتلاقي
سله مهملات هتلاقي
فيها كتير حاجات
هتلاقي فيها اللي باع
واللي خان واللي فاكرني
وسيه واللي عاملني قضيه
والحقيقه المداريه
إن حياتي ساقيه دايره
وهو. عاشها وكأنه طور
بين السطور هتلاقي
ناس كتير حاملين الرايات
وتلاقي ناس عاشقين
بس مش ماسكين صاجات
تلاقي ناس متلحفين بالحمل
وبردو مسكينه بثبات
وتلاقي دايما وسط الضلمه نور
بين السطور هتلاقي
أسماء حروفها دهب
اللي آسي واللي ضحى
واللي ليا عمره. وهب
واللي شايلني في قلبه
وعامله ليه ألف سور
وعلى الغلاف هتلاقي
علمي وتلاقى علمي
وتلاقي إسمي محفور
وحافظه الإله
الله أكبر... تحيا مصر
وستحيا على مر العصور
ليست هناك تعليقات:
إرسال تعليق