فرد حمام
فرد الحمام في البنيه مش عارف ينام
عاوزه وليفه مصريه من بين كل الأنام
لما تيجي الوليفه هتسمع أحلى الأنعام
فرد الحمام اللي لف ودار بزحام الأيام
يشوف الصبيه دق بقلبه العاشق غرام
فردالحمام بيعلمنا إن الحب مش حرام
وإن العشق هو دليل إن الحياة إنسجام
وإن الحياة تتجمل للوليف بحبة أحلام
فرد الحمام عيونه دايما ما تعرف ظلام
دايما سهران بحلمه بيكتب أحلى الكلام
ومعود نفسه على الطيران ليكون رسام
يرسم بالحب لوليفته بنيه بغصن السلام
يعزف أغنية العشق مقسومة في الأرتام
فردالحمام طاير على الهرم بعشق وهيام
يحضن النيل بجناحه و يطبب كل الآلام
فرد الحمام غنى للحصاد فكان للغناعلام
عاش حياته محبة ماعرف يوم إستسلام
عاشق رنة خلخال وليفه كنبض قلبه تمام
فرد الحمام رافع للوليفه عل البنيه أعلام
إن البنيه مبنيه بحب والسرير ريش نعام
يلا لتبدل ملامحنا الأحزان وتضربنا سهام
ويموت العشق الرباني بقسوة رياح الأيام
فرد الحمام دايماهيمان ووليفه هو المرام
تسعدالحياة بيهم و ترقص فرح ع الدوام
وفرد الحمام في البنيه خلاص عارف ينام
الشاعر /إبراهيم شبل
ليست هناك تعليقات:
إرسال تعليق