نحيه لكل أبطال حرب أكتوبر المجيد
تحيه لارواح الشهداء الأبرار
تحيه الي كل رجال القوات المسلحه
تحيه الي كل الشرفاء والمخلصين
تهنئة لكل الشعب المصري بعيد النصر
للشاعر /صابر الشناوي
و هتفضلي يا مصر
رافعه راسك بحراسك
على ضفاف قنالك
سطروا بدمهم مواويل
وطهروا رمالك وسهروا
يحرسوه بالليل
والنهارده يا مصر بنقولك
علشان تاريخك وامجادك
هنبني يا غاليه لأولادك
على كل شبر في ترابك
مساحات أوسع من الخضره
توزع على كل بيت زهره
ومشاريع عملاقه. وكبيره
توفر للشباب خبره
وقناة. جديده في الصحرا
توصلنا . لأمل بكره
وحلفنا بسينا وأرضها الطاهرة
وأرواح أخواتنا من الشهدا
وعاهدنا . ربنا معاكي
لتفضل. روحنا في سماكي
بتحميكي وتفديكي. وتدعىلك
أصل إحنا شربنا من نيلك
المخلصين من أولادك
دول هما يا مصر حراسك
ليست هناك تعليقات:
إرسال تعليق