*** قلمي الساخر ***
للشاعر /صابر الشناوي
من سن القلم الساخر جدا
عمال بيلف وبيعافر
وسط حروف الصمت الحاير
مقابر صابها الخوف
انها تنطق اعملوا معروف
انقذوا أشلاء الوطن الثاير
جوا ضلوع البنت الساكنه
وسط ملامح أطفال غزة
طعم اللذه عمره في يوم
ما هيشفي جروح
لما نمصمص بس شفايف
كل شعوب الوطن العربي
قلمي الساخر عمال يضحك
شايف دم الطفل الساخن
عمال يصرح جوا
إديين بنت ماريكا
أو بنت أمريكا
شد قبالي لما نقطع كل بلاد
الوطن العربي مليون حته
اضحك ضحكه ههههه هههههه
هيقولو خاين او متآمر
على أوضاع الوطن العاجز
طب منا عاجز ان اتكلم
أو اسمح لعنيا بدمعه
قلمي بيكتب ع الافيشات
مصر تنادي بعزم ما فيها
زقوا كل أخواتها عليها
عملوا في كل بلد جماعات
ازي هي بإيدها تدمر
وبتخلق كل الازمات
قلمي الساخر تاني بيضحك
مجنون دايما او متهور
مش متخيل طعم الضحكه
ازاي يوجع
لما يكون مولوده من دمعه
قلنا الجامعه تقدر تصرخ
والصوت يعلي لو كلنا
مره اتجمعنا على ايد واحده
قلنا مفيش حل غير الوحدة
قلمي الساخر عمال يحلم
خايف يصحى ولا يفتح
عينه على صدمه ويلاقي
نفسه في حض ماريكا
يااادي ال؛ََََ..........
واقفه تنقر له بشويش
عمال تضحك مننا تسخر
يلا مالكش عندنا عيش
طب اروح فين
واضحك على مين
يبقى الأفضل خلينا
دايما كدا ساكتين
وبلاش نضحك
قلمي الساخر
شاطير ماوس
اقفل بوقك
إقفل بوقك
ليست هناك تعليقات:
إرسال تعليق