==== اتحدوا ====
ازاى ألوم أعدائي
وأخويا مش مطاوعني
أموت بجوع وعطش
علينا متكالبين و متجمعين
وشايفين العالم كله بايعني
لكني هأعيش بصمودي
جوه أرضي وحدودي
ولا ألف ميل هيسعني
غير أرضي شرفي وعرضي
أنا غزة في صراعي وحيدة
والبعد عني بيألمني ....
شهدا أطفال ونساء
وجثث تطير أشلاء
واللعنة ع اللي ظالمني
يابلاد العُربِ يا أوطاني
ياريت نتجمع من تاني
ويرجع القدس ف أحضاني
ومين بيكم يغلبني
يا أمة طه اتحدوا
نلاقي أعدائنا يرتعدوا
وعن أقصانا قد بعدوا
ويتحقق الوعد الرباني
بقلمي
صلاح شعبان الفيداوي
القاهرة
١٦/١٠/٢٠٢٣
ليست هناك تعليقات:
إرسال تعليق