وما ادراك مافلسطين..

 وما ادراك مافلسطين..

بعد السلام والسنابل..

هدمت بيوتنا القنابل

ياهولاكو اللي عاد بالحيله

مصيبتنا النوبه دى تقيله..

ساعدوك اللي مفروض يحموا

بجنودهم حدود العيله...

حراس البلاد راحو ناموا..

وسابوك تغتصبهم ليله..

شجعان العرب اوهام..

بيبيعوا الرجوله بكام ؟؟

شجعان العرب ماركتهم..

متواطيء تلاته نظام..

شجعان العرب بزراير..

ونظامهم بابال..ياسيكام..

...... .......

ياهولاكو اللي جاي بيدمر..

مش ممكن في يوم حاتعمر

وان طال الزمن راح ترجع

في تابوت من خشب متسمر

ياطعم البارود..يا مر

ايام الهوان حاتمر..

وجيوش الخراب راح تهرب..

في ذيول الهزيمه تجر..

...... ......

بعد السلام والسنابل..

لسه في عروقنا دما..

ياشهدا راح نتقابل..

عرسان وزاينه السما..

اما تتار الجيوش..

شبه البقر والجحوش..

راح تنكسر شوكتهم..

وعد الاله ...انما...

ينصر الله من ينصره.

...... ........

شعر/نصر سيد بدر