ياقسوة الجرح الأليم
لما يكون جي من حبيب
مهما حاولت تطببه
مايعالجوش ولا ١٠٠ طبيب
جرحه بيكون قاسي
ألمه مش مكان الجرح
ألمه بيدمي في القلوب
بيفضل معاك طول السنين
والفكر منه كان صعيب
بيقتل جواك الأمل
في أي صاحب أو حبيب
بيشكك في كل الناس
بيشيلك حمل رهيب
ليلك ونهارك مشغول
ياريت كانت جت من غريب
لكن اللي أذاني دمي
عامل عليه ١٠٠ رقيب
تظنه بيحب مصلحتك
وبيحافظ عليك مالغريب
لكن الحقيقه انه بيقتل
صلة الرحم لأي قريب
(((أسامه جديانه)))
ليست هناك تعليقات:
إرسال تعليق