خلي القلم صاحي *** بقلم السيدابوطاحون
*********
جهز يا واد الحروف
أصل التاريخ
مش خروف
ويلبسوه الخوف
او يكتبوه ظلمه
بالمكر و النبوت
جهز ياواد الحروف
وابري دماغ القلم
لسه الطريق فيه ألم
مين اللي رفع العلم
لحظة هروب اليهود
غير ابنك المحترم
جهز يا واد الحروف
وابرى دماغ القلم
و اكتب في اول سطر
سلام سلاح للشهيد
ساعة صلاة العيد
النصر له مواعيد
إياك تقول الشهيد
حس في نبض الصعود
يأي ذرة ندم
بكره التاريخ ينكتب
ويحاسب اللي كدب
ويحاسب اللي خان
بكره هتقرو عجب
جهز ياواد الحروف
اللي هجرها الخوف
وابري دماغ القلم
خللي القلم صاحي
*********
ليست هناك تعليقات:
إرسال تعليق