اغنية البعد بينا طال
أدهم عبده مجلى
(أدهم العوضى)
★★★★★
كانت حكاية حبنا زى الخيال
لكن القدر كان أقوى منى و منها
خلانى ادوس على جرح قلبى ودمعها
و البعد بينا طال
و الدمع منى سال
فى الفرح اقول موال
باحلم فى يوم انسى البعاد وارجعلها
★*★*★*★
يا غايبه عنى ليه فى غيابك
بأحسب اليوم ده بسنه
متجرحيش قلبى بعتابك
ده انا م العتاب ضهرى اتحنى
ضهرى اتحنى من كتر البعد
وانا نفسى اجيلك واوفى الوعد
خايف لالقى معاكى العند
وتهدى كل اللى اتبنى
ده البعد بينا طال
والدمع منى سال
فى الفرح اقول موال
باحلم فى يوم انسى البعاد وارجعلها
★*★*★*★
قالوا البعيد ع القلب غريب
وقلنا ده البعد عشانه
طب ليه بينسى بأنى حبيب
وانا بأحلم ابقا خلانه
مستنانيش زى ما فاكر
وانا كنت هافضل ليه شاكر
اتاريه دا شاطر و مذاكر
ما اقعدش لحظه فى مكانه
والبعد بينا طال
والدمع منى سال
فى الفرح اقول موال
باحلم فى يوم انسى البعاد وارجعلها
★*★*★*★
يا ريت ما كنت ابعد عنك
وكنت افضل هنا جنبك
ولا اسيبش غيرى قريب منك
وساعتها من حقى احاسبك
بتقولى اصل غيابك طال
وتزودى فى ال قلنا و قال
دانالو قتيل فى العشق حلال
كنت ارضى واستحمل ذنبك
ده البعد بينا طال
والدمع منى سال
فى الفرح اقول موال
باحلم فى يوم انسى البعاد وارجعلها
لكن القدر كان أقوى منى ومنها
خلانى ادوس على جرح قلبى ودمعها
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق