خوفونى كتير وقالولى لاتتكلم ولاتكتب
______________________________
خليك فى حالك متتكلمش
مالك ومال الطين وفلسطين
ملكش دعوه بالدعوه ولابالارض
لانت حمل سجون ولاتعذيب
كفايه سنين عمرك وشبابك راحو بلاش
قلت الاااه قالولى وحتى الااه متقولهاش
وامشى جنب الحيط وجوه الحيط
ولاتنطق بكلمه لا متنطقهاش
وقول حاضر وطاطى الراس مترفعهاش
وعيش زيك زى باقى الناس يوم تاكل
ويوم تلقى العيش ويوم تانى متتلقاش
ووصونى انى لازم اخاف
لانى كبرت مش حامل قلم سجان
وقضى يومينك الباقيين
وعيش جبان تموت مستور
ويلا ننام
بصراحه انا خفت كتير بكلامهم
وعملت زى ماكانوا نصحونى
ورحت مقطع الاوراق ورميتهم
ومسحت كل كلامى الى اناا قلته
فى ساعة غيظ
لكن بجد لقيتنى بموت من الكتمه
وقلبى كان بيقطع من السكته
ومقدرتش اعيش مكتوم
ده مش توبى اللى انا لابسه
ده توب مقطوع ومش عارفه
انا العبسى كيف ارضى اعيش مكتوم
ومين حيقول اذا عنتر يعوف القول
انا الفاروق من حرر بلادالقدس وفلسطين
اناارطغرل انا عثمان اناقطز وحامى الدين
انا الناصر صلاح الدين اسالوهم عنا فى حطين
لقيت نفسى فى كلمه ااااه
وكلمه لاااا وانا باقولها
فمين حيقول كلمة اااه لو انا مقلت الاااه
ومين حيثور ويحمى الدار لو انا ماثرتش وقلت لا
ده حتى كلام لاهو سلاح ولامدفع ولارشاش
دى كلمة حق رح تنفع فى يوم الحشر ماأقولهاش؟
انا راح اقول ومش حاسكت على الباطل
وان سجنونى تبقى خلوتى بالله
وان قتلونى حاكون مع سيدالشهداء
دى كل امالى القى شهاده ترضى الله
دى كل امالى القى شهاده ترضى الله
__________________________________
بقلم/محمودعبدالمتجلى عبد الله.
ليست هناك تعليقات:
إرسال تعليق