تقاضى ليا لكلام (زجل مغربي) -بقلم: محمد دومو -مراكش/ المغرب

 تقاضى ليا لكلام

(زجل مغربي)

والله يا ناس حتى تقاضى ليا لكلام

ما اعرفت آش باقي من بوح مزال

حرت كثير وعييت بنفير الدخان

آش من جهة نشق طريقها رحال

الشراجم كلها مفتوحة وعالية

ولقفولة غالقة جميع لبواب

ياكلوا غلة خيرنا كيف ديما

ويݣولوا هذا هو المكتاب

شباب ليوم صابتو الحيرة

واتاجه مرغوم لطريق الخراب

لفام تلغط وديما محلولة

ما تراعي ولا فنهار ترطاب

اييه عل ليام هاذي المغشوشة

اللوم بلا نفع صاب فيها جميع لعباد

-بقلم: محمد دومو

-مراكش/ المغرب

عرض الرؤى

معدل وصول المنشور: ٢١

كل التفاعلات:

١ارق ملاك