مجلة نداء الرؤح لفرسان الكلمات

 قصيده بعنوان عرمه جرن

شعر "سعيد حمدى محمد

★★★★★

اتمطع يا حزن فى ضلوعنا ونقنق

انظر بعين البكا لعضم العرب مدقدق

دمنا المرشوش يبل الرمل يتسقسق

وان شافنا الرضيع شعره يشيب ويطقطق

★★★★★

سنين بنخض فى إرب مقطوعه

وقلنا نرد كرامه منزوعه

ننده فين ينقذمين مش لاقين

منهم طوعه

★★★★★

يوماتى يموت لك اخ وابن

وعروبه نايمه فى ايشه وتبن

كله مغمى ولا بيشوف

غير الخوف وزل الجبن

★★★★★

غربان اليهود على المدنه تركب

وكلابهم فى الحرم لعبوا عنكب

وقالوا الساده طبع واركب

ده ابن نوح ساب المركب

★★★★★

سبعين سنه غير الصمت ما بان

عمر الضعيف ما يبنى حيط الامان

لمقام محتل .....والنيل م الغل

راح يحرق زيف السلام

★★★★★

اش وغش ونهايه محتومه

وعرمه جرن هتبات مختومه

مهما كان الريح اعزل وجريح

راح يعصف ويطيح

بعش البومه

★★★★★

شعر "سعيد حمدى محمد

30/10/2023

عرض الرؤى

معدل وصول المنشور: ١٤

كل التفاعلات:

١ارق ملاك