كرمالك يا ست الكل
.............................................
كرمالك يا ست بدور
جمّعنا باقات زهور
وعلّقنا أحلى الزينات
ولّعنا أحلى الشمعات
وخلّيناها تشعشع نور
كل عام وأنت بخير
يا أحلى صبايا الحور
................
وبهالليلة نيّالك
أحلى هدية جبنالك
كل الصبايا الحلوين
عمّبترقص كرمالك
ما يبلى عليك الزنار
شو لايق عا فستانك
وبروش وعقد الألماس
والورد مزين شالك
................
وكرمالك يا ست الكل
الفرح عنا كلو حل
عطرنا البيت بأطياب
عطر البنفسج والفل
واجتمعت عنا الأحباب
وصارت الأنوار تهل
ونشالة تدوم الأفراح
وما يبقى للحزن محل
.......................................
ملك محمود الأصفر
ليست هناك تعليقات:
إرسال تعليق