نصدق .... مين *******

 نصدق .... مين

*******

من كتر ما غاب الهنا

اليوم بيعدى كأنه سنة

تايه موش عارف مين انا

العيب عمره ماكان ف الزمن

الشعب هو اللى لنفسه ظلم

عمره بتساق زى الغنم

عايش عمره ف كابوس

القوى ع الضعيف بيدوس

هواكى يا بلد عاد نتين

من كتر كثرة الفتن

دارى الدمع ياعين

وخدانا يا بلد على فين

احنا الغلابة تايهين

السكة شمال زى يمين

نصدق مين وألا مين

م الجهل للكل بنقول آمين

مين الخاين مين الأمين

مين الدامى مين الحامى

مين الطماع مين السامى

مين المجنى عليه مين الجانى

البلد مركب من غير شراع

الحق فيها تاه وضاع

الشعب كله عنده صداع

سوسو الفتنة فيها راع

آه يا بلد الكلام

المتمثل ف الأعلام

بيخلى النور ظلام

فى كل الأحوال تمام

فى حرب أو سلام

كدا كدا تملى شغال

همه بس جمع المال

موش همه صلاح الحال

وتتوالى الأحداث

و لسة بندور ع الأخلاص

******

بقلم

عادل جاد

كل التفاعلات:

٧٧